Etterlyst: Jesus – Gjestespill
Category:
Av og med:
Bjørn Eidsvåg,
Svein Tindberg
Regissør:
Erik Ulfsby
Scenograf- og kostymedesigner:
Mia Runningen
Lysdesigner:
Torkel Skjærven
Lyddesigner:
Ole-Petter Berger
Video:
Raymond Stubberud,
Siren Høyland Sæter
Dramaturg:
Ola E. Bø
Band:
Anders Engen (trommer),
David Wallumrød (tangentar),
Kjetil Steensnæs (gitarar),
Bjørn Holm (bass)
LES MER
About
Kva for ein Jesus treng vi i dag?
Vesle Bjørn var sikker på at Jesus alltid ville passe på han. Men i ungdomstida blei Jesus mykje strengare. Ikkje likte han langt hår, ikkje rytmisk musikk og heller ikkje at kvinner blei prestar. I studietida endra Jesus seg ytterlegare, og Bjørn Eidsvåg kunne konstatere at Jesus var annleis i Oslo enn på heimplassen. Her var han ein slags kul hippietype som forkynte peace and love. Seinare blei han presentert for ein sosialistisk Jesus og ein som inspirerte folk til å gjere godt, som ein Gandhi eller Nelson Mandela. Men òg ein som inspirerte dei som grunnla Ku Klux Klan. Jesus var i sanning allsidig. Og han endra seg frå stad til stad og med tida.
Bjørn Eidsvåg har med framsyninga Etterlyst: Jesus prøvd å finne ut kven Jesus eigentleg er. Er det mogleg å finne ut? Og kva er det ved denne figuren som gjer at han påverkar oss menneske så sterkt?
Saman med Svein Tindberg og det faste bandet sitt vil Bjørn Eidsvåg prøve å finne ut om vi treng ein Jesus i dag. I så fall kva for ein Jesus? Med både nytt og gammalt songmateriale, mykje humor og tidvis i god bedehusstil vil dei leite i kulturhistoria – og i eiga oppveksthistorie – for å teikne eit bilde av den Jesus som både dei og kanskje publikum ønskjer seg i dag.